حسینه یرلر آغلار.گویلر آغلار ----- بتول ومرتضی .پیفمیر آغلار
علم آغلار شه آغلار لشکر آغلار
سو آغلار قاتل آغلار خنجر آغلار
حسینون نوحه سین (دلریش)یازاندا
مسلمان سهلدیر که کافر آغلار
کور اولمیش گوزلرین قان دوتدی شمرین
که گورسین اوز الینده خنجرآغلار
حسینون کوینگی زهرا الینده
چکر قیحا قیامت. محشر آغلار
آتاندا حرمله اوخ کریلاده
گوریدون دشمن آغلار لشگر آغلار
قوجاغیندا. گوریدون ام لیلا
آلیب نعش علی اکبر آغلار
رباب. نیسگل دوشونده سود گورنده
علی اصغری یاد ایلر آغلار
باشیندا کاکل اکبر هواسی
یل آغلار .سنبل آغلار.عنبرآغلار
یازاندا ال طه نوحه سین من
قلم گوردوم سیزیلدار . دفتر آغلار
علی. شقق القمر. محراب تیلیت قان
قولاق ویر.مسجد اوخشار منبر آغلار
علیدن. شهریار. سن بیر اشاره
قوجاقلار قبری. مالک اشتر آغلار
استاد شهریار ۲۶/۲/۱۳۵۸
نظرات شما عزیزان:
آمار
وب سایت:
